Pozivamo vas na prezentaciju „Tradicionalne tehnike i materijali –restauracija drvenih prozora“ koja će se održati u ponedjeljak 4. maja 2015. u 20:00 h u Galeriji solidarnosti u Kotoru. Prezentacija se organizuje u sklopu Radnog kampa restauracije drvenih prozora koji organizuje EXPEDITIO u saradnji sa Kulturnim nasljeđem bez granica – CHwB a u okviru projekta “Tradicionalni materijali i tehnike gradnje u Boki Kotorskoj” koji je finansiran od strane Headley Trust Fondacije iz Velike Britanije.
Cilj ovog projekta je povećanje znanja i svijesti o upotrebi tradicionalnih zanata, tehnika i materijala u procesu restauracije i održavanja graditeljskog nasljeđa.
U fokusu ovog dvogodišnjeg projekta će biti upotreba krečnog maltera i restauracija tradicionalnih drvenih prozora. Radni kamp restauracije drvenih prozora će se odvijati u periodu 4-6. maja 2015. na Slavijanskoj čitaonici u Dobroti (zgrada Mjesne zajednice Dobrota). Prezentacija je prateća aktivnosti radnog kampa kojom se želi ukazati na vrijednosti i značaj očuvanja drvenih prozora, kao i važnost upotrebe tradicionalnih tehnika i materijala.
Program prezentacije:
- Uvod o radnom kampu restauracije i tradicionalnim prozorima u Boki Kotorskoj, EXPEDITIO
- Edukacija i važnost tradicionalnih tehnika i materijala, Lejla Hadžić, Kulturno nasljeđe bez granica - CHwB
- Primjeri restauracije drvenih prozora u Crnoj Gori, Ilija Lalošević, Arhitektonski fakultet Univeriziteta Crne Gore
Dobrodošli!
